نئی دہلی، 12 مارچ (سیاست ڈاٹ کام) قومی دارالحکومت دہلی سمیت ملک بھر میں منگل کو تیل کی قیمتوں میں پانچ پیسے تک کی کمی درج کی گئی۔دہلی میں پٹرول کی قیمت میں آج پانچ پیسے کی کمی کے ساتھ اب یہ 72.41 روپے فی لیٹر ہو گئی جبکہ ڈیزل میں بھی اتنی ہی کمی کے ساتھ یہ 67.37 روپے پر پہنچ گیا۔اس سے پہلے پیر کو دہلی میں پٹرول کی قیمت 72.46 تھی جبکہ ڈیزل 67.44 روپے میں بیچی جا رہی تھی۔منگل کو ممبئی میں بھی پانچ پیسے کی کمی کے ساتھ پٹرول کی قیمت 78.04 روپے ہو گئی جبکہ ڈیزل کی قیمت سات پیسے کی کمی کے ساتھ 70.58 روپے پر پہنچ گئی۔بھارتی تیل نگم کی ویب سائٹ کے مطابق کولکتہ میں پٹرول اور ڈیزل کی قیمت بالترتیب 74.49 روپے . اور 69.16 روپے ہو گئی ہے۔
