نئی دہلی4نومبر ( یواین آئی) ملک کے چار بڑے شہروں میں تین دن بعد پیر کے روز پٹرول اور ڈیزل کی قیمتوں میں کمی آئی ہے ۔ پٹرول آٹھ سے نو پیسے اور ڈیزل چار سے پانچ پیسے فی لیٹر سستا ہوا ہے ۔ملک کی تیل مارکیٹنگ شعبے کی معروف کمپنی انڈین آئل کے مطابق دہلی میں پٹرول کی قیمت کم ہو کر 72.65 روپے اور ڈیزل 65.75 روپے فی لیٹر ہو گیا ہے ۔ اقتصادی شہر ممبئی میں پٹرول اور ڈیزل کی قیمت بالترتیب 78.33 اور 68.96 روپے فی لیٹر رہی ۔ دونوں دیگر میٹرو شہروں کولکتہ اور چنئی میں پٹرول کی قیمت بالترتیب 75.35 اور 75.50 روپے فی لیٹر رہی جبکہ ڈیزل بالترتیب 68.16 اور 69.50 روپے فی لیٹر ہو گیا ۔
