نئی دہلی: پٹرول اور ڈیزل کی قیمتیں اتوار کو ایک بار پھر ریکارڈ کی نئی سطح پر آگئیں۔معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق ، ملک کے چار بڑے میٹرو میں آج پیٹرول 17 پیسے اور ڈیزل 29پیسے مہنگا ہوگیا۔قومی دارالحکومت میں پٹرول کی قیمت 17پیسے اضافے سے 93.21روپے فی لیٹر اور ڈیزل کی قیمت 27پیسے اضافے سے 84.07 روپے فی لیٹر ہوگئی۔ ڈیزل یہاں پہلی بار 84 روپے فی لیٹر کو عبور کرچکا ہے ۔ پٹرول بھی تاریخی لحاظ سے اعلی ترین سطح پر ہے۔ اس سے قبل ہفتے کے روز ، قیمتوں میں کوئی تبدیلی نہیں کی گئی تھی۔پچھلے 4 مئی سے اب تک ، پٹرول اور ڈیزل کی قیمتوں میں 12 دن اضافہ کیا گیا ہے ، جبکہ ان کی قیمتوں میں آٹھ دن سے کوئی تبدیلی نہیں کی گئی ہے ۔ اس دوران ، دہلی میں پٹرول 2.81روپے اور ڈیزل میں 3.34 روپے مہنگا ہوگیا ہے ۔ ممبئی، چینائی اور کولکتہ میں پٹرول بالترتیب 17 پیسے،15 پیسے اور 16 پیسے مہنگا ہوگیا۔
ممبئی میں پٹرول 99.49 روپے ، چنئی 94.86 روپے اور کولکتہ میں 93.27 روپے فی لیٹر پر فروخت ہوا۔ڈیزل کی قیمت 29 پیسے اضافے کے ساتھ ممبئی میں 91.30 روپے ، چینائی میں 25 پیسے 88.87 روپے اور کولکتہ میں 27 پیسے اضافے سے 86.91 روپے فی لیٹر ہوگئیپٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر ، ہر روز صبح چھ بجے سے نئی قیمتوں کا اطلاق ہوتا ہے ۔ملک کے چار میٹرو میں پٹرول اور ڈیزل کی قیمتیں کچھ اس طرح تھیں۔شہر کا نام پٹرول ؍ لیٹر ۔ ڈیزل روپئے ؍ لیٹر