نئی دہلی : پٹرول اور ڈیزل کی قیمتیں چہارشنبہکے روز ریکارڈ سطح پرمستحکم رہیں۔ معروف آئل مارکیٹنگ کمپنی انڈین آئل کارپوریشن کے مطابق بدھ کے روز قومی دارالحکومت میں پٹرول اور ڈیزل کی قیمتیں بالترتیب 95.56 روپے اور 86.47 روپے فی لیٹررہیں۔ گزشتہ 4 مئی سے اب تک 21 دن پٹرول اورڈیزل کی قیمتوں میں اضافہ کیا گیا ہے ، جبکہ بقیہ 17 دن قیمتوں میں کوئی تبدیلی نہیں کی گئی ہے ۔ اس دوران دہلی میں پٹرول 5.16 روپے اور ڈیزل 5.74 روپے مہنگا ہوچکا ہے ۔ دوسرے شہروں میں بھی قیمتوں میں کوئی تبدیلی نہیں کی گئی ۔
