نئی دہلی: بین الاقوامی بازار میں خام تیل کی قیمتوں میں نرمی کے باوجود ملک میں پٹرول اور ڈیزل کی قیمتیں جمعرات کو بھی مستحکم رہیں۔بین الاقوامی مارکیٹ میں آج لندن برینٹ کروڈ کی قیمت 0.41 فیصد گر کر 92.48 ڈالر فی بیرل اور یو ایس کروڈ 0.78 فیصد گر کر 84.92 ڈالر فی بیرل پر آ گیا۔گھریلو تیل مارکیٹنگ کمپنی بھارت پٹرولیم کے مطابق پٹرول اور ڈیزل کی قیمتیں آج مستحکم رہیں۔ دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم ہے ۔ملک میں 5 ماہ سے زائد عرصے سے ایندھن کی قیمتوں میں کوئی تبدیلی نہیں ہوئی۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے ۔ویلیو ایڈڈ ٹیکس (ویت) اور فریٹ چارجز کے لحاظ سے پیٹرول اور ڈیزل کی قیمتیں ریاستوں میں مختلف ہوتی ہیں۔
