نئی دہلی: عالمی سطح پر خام تیل کی قیمتوں میں اتار چڑھاؤ کے درمیان، گھریلو سطح پرپٹرول اور ڈیزل کی قیمتوں میں آج بھی کوئی تبدیلی نہیں ہوئی، جس سے دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم رہا۔ تیل کی بڑی مارکیٹنگ کمپنی ہندوستان پیٹرولیم کارپوریشن کی ویب سائٹ پر آج جاری کردہ نرخوں کے مطابق ملک میں پٹرول اور ڈیزل کی قیمتوں میں کوئی تبدیلی نہیں ہوئی۔ دہلی میں ان کی قیمتیں مستحکم رہنے کے ساتھ ہی ممبئی میں پٹرول 106.31 روپے فی لیٹر اور ڈیزل 94.27 روپے فی لیٹر رہا۔ عالمی سطح پر آج یو ایس کروڈ 0.33 فیصد اضافے کے ساتھ 80.00 ڈالر فی بیرل اور لندن برینٹ کروڈ 0.25 فیصد اضافے کے ساتھ 84.39 ڈالر فی بیرل پر رہا۔
