نئی دہلی: آئل مارکیٹنگ کمپنیوں نے پٹرول اور ڈیزل کی قیمتوں میں لگاتار 15 دن استحکام برقرار رہنے کے بعد آج جمعرات کو ان میں کمی کردی ہے۔ بڑی آئل مارکیٹنگ کمپنی انڈین آئل کارپوریشن کے مطابق دہلی میں پٹرول آج 16پیسے سستا ہوکر 90.40 روپئے فی لیٹر ہوگیا ہے ۔ ڈیزل کی قیمت بھی 14 پیسے کی کمی سے 80.73 روپے فی لیٹر ہوگئی۔ دونوں ایندھن کی قیمتوں میں مسلسل 15 دن تک کوئی تبدیلی نہیں کی گئی تھی۔دوسرے میٹرو شہروں میں پٹرول اور ڈیزل کی قیمتوں میں بھی کمی ہوئی ہے ۔ ممبئی ،چینائی اور کولکاتا میں پٹرول 15 پیسے مہنگا ہوا اور وہ ترتیب وار 96.83 ، 92.43 اور 90.77روپے میں فروخت ہوا۔ ممبئی میں ڈیزل87.81 ، چینائی میں 85.75 اور کولکاتا میں83.61 روپئے فی لیٹر پر رہا۔