نئی دہلی : پٹرول اور ڈیزل کی قیمتوں میں آج پھر اضافہ ہوگیا۔ اس وقت پٹرول قیمتیں ریکارڈ سطح پر ہیں۔ دہلی کے علاوہ دیگر شہروں میں ڈیزل کے دام بھی بہت بڑھ گئے ہیں۔ آئل کمپنی انڈین آئل کارپوریشن کے مطابق دہلی میں آج پٹرول 30 پیسے مہنگا ہوگیا اور اسکی قیمت 86.95 روپے فی لیٹر تک پہنچ گئی۔ ممبئی میں پٹرول 29 پیسے بڑھ کر 93.49 روپے ہوگیا جبکہ کولکاتہ میں 29 پیسے اضافے کے ساتھ 88.30 روپے فی لیٹر ہوگیا ۔چنائی میں 26 پیسے کا اضافہ ہوا ہے اور ایک لیٹر پٹرول 89.39 روپے ہوگیا۔ ممبئی میں پہلی بار پٹرول 93 روپے اور چنائی میں 89 روپے فی لیٹر سے زیادہ ۔ دہلی میں ڈیزل کی قیمت 30 پیسے بڑھ کر 77.13 روپے فی لیٹر ہوگئی جس کی 30 جولائی 2020 کے بعد ریکارڈ سطح ہے ۔
