نئی دہلی ۔ 10 جون ۔(سیاست ڈاٹ کام) پٹرول ڈیزل کی قیمت میں مسلسل پانچویں دن گراوٹ آنے اور قومی دارالحکومت میں پٹرول 13پیسے سستا ہوکر قریب چار مہینے کی نچلی سطح 70.43روپے فی لیٹر اور ڈیزل 11پیسے سستا ہوکر قریب پانچ مہینے کی نچلی سطح 64.39 روپے فی لیٹر پر آگیا ہے ۔دہلی میں 5 جون کے بعد سے پانچ دن میں پٹرول کی قیمت میں 80پیسے اور ڈیزل کی قیمت میں ایک روپے 17پیسے کی گراوٹ آچکی ہے ۔ملک کی سب سے بڑی تیل مارکیٹنگ کمپنی انڈین آئیل سے موصول اطلاع کے مطابق،دہلی میں اتوار کو 70.56روپے فی لیٹر فروخت ہونے والا پٹرول 70.43روپے فی لیٹر رہ گیا۔ڈیزل کی قیمت کل کے 64.50روپے کی جگہ گھٹ کر 64.39روپے فی لیٹر رہ گئی جو 14جنوری کے بعد سے نچلی سطح ہے ۔
