پٹلم /21 جون ( سیاست ڈسٹرکٹ نیوز ) حلقہ اسمبلی جکل کے کانگریس پارٹی قائد مسٹر لکشمی کانتا راؤ مستقر پٹلم کے شیشو مندر اسکول کا دورہ کیا ۔ قبل ازیں انہوں نے شمع روشن کیا اور اپنے خطاب میں کہا کہ ملک کا مستقبل طلباء کے ہاتھ میں ہے اور وہ اپنے مستقبل کو صرف اساتذہ کے ذریعہ ہی سنوار سکتے ہیں ۔ بہتر تعلیم کے ساتھ طلباء کو بزرگوں ، والدین اور اساتذہ کا احترام کرنا چاہئے ۔ اس موقع پر سرسوتی شیشو مندر اسکول کے صدر کے راملو ، نائب صدر سنگمیشور ، سکریٹری رمنا گوڑ ، ضلع اگزیکیٹیو کمیٹی کے ممبر کوٹاراجو پرنسپل بھدرایا ، اساتذہ کے علاوہ طلباء کی کثیر تعداد شریک تھی ۔
کادلور پنچایت کا سرپنچ معطل
میدک /21 جون ( سیاست ڈسٹرکٹ نیوز ) ضلع کلکٹر میدک مسٹر راجرشی شاہ نے ٹیکمال منڈل کے گرام پنچایت کادلور کے سرپنچ مسٹر یادیا کو جشن تلنگانہ کے پروگرامس چلانے میں عدم دلچسپی پر عہدے سے معطل کردیا ۔ انہوں نے کہا کہ تحقیقات جاری ہیں ۔ سردست چھ ماہ کیلئے معطل کیا گیا ہے ۔
