ممبئی : عالمی سطح پر بڑھتی ہوئی مہنگائی پر قابو پانے کے لیے مرکزی بینکوں کی جانب سے شرح سود میں اضافے کے خدشے کے پیش نظر گزشتہ ہفتے بین الاقوامی سطح پر سرمایہ کاروں کی بھاری فروخت کا اثر گھریلو سطح پر بھی دیکھنے میں آیا۔ اس کی وجہ سے سرمایہ کاروں کے 15 لاکھ کروڑ روپے سے زیادہ ڈوب گئے ۔رپورٹنگ کی مدت میں، بی ایس ای 30 حصص پر مشتمل حساس انڈیکس سینسیکس 2943.02 پوائنٹس گر کر 52 ہزار پوائنٹس کی نفسیاتی سطح سے نیچے 51360.42 پر آگیا۔ ہفتے کے دوران سینسیکس 51 ہزار سے نیچے آ گیا ہے ۔ اسی طرح نیشنل اسٹاک ایکسچینج (این ایس ای) کا نفٹی 908.3 پوائنٹس کی کمی کے ساتھ 15293.50 پوائنٹس پر رہا۔بڑی کمپنیوں کی طرح چھوٹی اور درمیانی کمپنیوں میں بھی فروخت کا دباؤ رہا۔
