پڈوچیری : مرکز کے زیر انتظام علاقے پڈوچیری کی قانون ساز اسمبلی کی عمارت کے کانفرنس ہال میں پیر کو صدارتی انتخابات کے انعقاد کے لیے تمام تیاریاں مکمل کر لی گئی ہیں۔اسمبلی احاطے میں پیر کی صبح 10 بجے ووٹنگ شروع ہوگی۔ اسے پیر کی صبح کھولا جائے گا حالانکہ اسمبلی کمپلیکس میں دفتر ہفتہ، اتوار اور پیر کو بند رہتا ہے ۔ ایک ایم ایل اے کے ووٹ کی قیمت 16 ہے جبکہ ایک ایم پی کے ووٹ کی قیمت 700 ہوگی۔انتخابی عہدیداروں کے علاوہ اسمبلی احاطے میں صرف 30 ایم ایل اے ووٹرز کو ہی جانے کی اجازت ہوگی۔ راجیہ سبھا کے رکن ایس سیلواگناپتی (بی جے پی) دہلی میں اپنا ووٹ ڈالیں گے ، جب کہ لوک سبھا کے رکن وی ویتھیلنگم (کانگریس) ریاست میں ہی اپنا حق رائے دہی استعمال کریں گے ۔پڈوچیری میں این۔ آر کانگریس، بھارتیہ جنتا پارٹی (بی جے پی) کے ایم ایل اے اور بی جے پی کی حمایت کرنے والے دو آزاد، کل 20 ایم ایل اے ، نیشنل ڈیموکریٹک الائنس (این ڈی اے ) کی امیدوار دروپدی مرمو کو ووٹ دیں گے ، جب کہ ویتھیلنگم کے علاوہ ڈی ایم کے کے چھ اور کانگریس کے دو اراکین مخالف امیدوار یشونت سنہا کو ووٹ دیں گے ۔
