ٹوکیو ؍ واشنگٹن: جاپان اور امریکہ نئے سال ( 2024) کے آغاز میں جاپانی مسلح افواج سے پیٹریاٹ میزائل ڈیفنس سسٹم کے میزائلوں کی امریکہ منتقلی پر مشاورت شروع کریں گے۔ سب سے پہلے پی اے سی۔2 میزائلوں کی فراہمی کو مربوط کرنے کا منصوبہ ہے جو بنیادی طور پر ہوائی جہاز اور کروز میزائلوں کو روکنے کیلئے ڈیزائن کیے گئے ہیں۔ مستقبل میں جاپان امریکہ کو پی اے سی3 میزائل بھی فراہم کرے گا جو بیلسٹک میزائلوں کے مقابلے میں استعمال ہوتے ہیں۔ 22 دسمبر کو جاپانی حکومت نے دفاعی سازوسامان کی برآمد کیلئے اصولوں میں نرمی کی تھی جس کے تحت وہ امریکہ کو پیٹریاٹ میزائل دفاعی نظام کیلئے میزائل اور برطانیہ کو 155 ملی میٹر توپ کے گولے فراہم کر سکتا ہے۔اس سے قبل جاپان صرف امریکہ کو دفاعی سازوسامان کے آلات فراہم کر سکتا تھا۔
، یہ چھوٹ ان ممالک کو تیار آلات کی فراہمی کی اجازت دے گی جنہوں نے پروڈکشن لائسنس جاری کئے ہیں۔ واضح رہے کہ امریکہ کی جانب سے یوکرین کو مسلسل اسلحے کی فراہمی کے باعث اس کا اپنا سٹاک کم ہوگیا۔
