کریم نگر /14 فروری ( سیاست ڈسٹرکٹ نیوز ) افضل محی الدین کنوینر گروکلا کوچنگ سنٹر دی مسلم ایجوکیشنل سوسائٹی کی اطلاع کہ بموجب شگفتہ یاسمین بنت جناب محمد انور صاحب ساکن حسینی پورہ کریم نگر نے مسلم ایجوکیشنل سوسائٹی کی جانب سے چلائی گئی گروکلا، اور گروپس کی کوچنگ سے استفادہ کرتے ہوئے پی. جی. ٹی. میتھامیٹیکس میں رینک حاصل کیا ہے۔ الحمداللہ سرٹیفکیٹ ویرفیکیشن بھی مکمل ہوچکا ہے ۔عنقریب اپائنٹمنٹ آرڈر بھی آئے گا۔ جیسا ہی یہ اطلاع ملنے پر بذریعہ فون جناب انجنئیر محمد مظفر الدین احمد شبیر صاحب صدر مسلم ایجوکیشنل سوسائٹی، جناب مرزا احمد بیگ ڈاکٹر محمد سلیم الدین نائب صدور سوسائٹی، جناب شیخ ابو بکر خالد صاحب جنرل سیکرٹری سوسائٹی نے مبارک باد پیش کی.اور جناب سرور شاہ بیابانی سرپرست کوچنگ سنٹر مسلم ایجوکیشنل سوسائٹی، افضل محی الدین کنوینر کوچنگ سنٹر،حافظ عبدالمجید اشتیاق معتمد تلنگانہ اسٹیٹ اردو ٹرینڈ ٹیچرس اسوسی ایشن، جناب اظہار حسین صاحب لیکچرر آرٹس کالج کریم نگر نے گھر پہنچ کر مبارک بادی دیتے ہوئے شال پوشی فرمائی۔
٭٭٭