حیدرآباد : مرکزی رویت ہلال کمیٹی صدر مجلس علماء دکن کا ماہانہ بضمن رویت ہلال ماہ جمادی الاول 1442 ھ زیر نگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا ۔ شہر میں چاند نظر نہیں آیا ۔ رویت ہلال کمیٹی گلبرگہ شریف کے علاوہ ملک کے کئی مقامات سے عدم رویت کی اطلاعات ملیں۔ بیشتر مقامات سے مطلع کہیں صاف اور کہیں بارش ہونے کی خبریں ملیں اور یہ کہ کہیں بھی چاند نظر نہیں آیا ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 16 ڈسمبر 2020 ء بروز چہارشنبہ 30 ربیع الآخر1442 ھ ہوگی ۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین ، حضرت مولانا مفتی خلیل احمد، حضرت مولانا سید حسن ابراہیم حسینی ، سجاد پاشاہ قادری ، حضرت مولانا سید محمود بادشاہ قادری زرین کلاہ ، حضرت مولانا سید حامد محمد افتخار پاشاہ قادری اور جناب قاضی سید نور اللہ فاروق عارفی نے شرکت کی ۔
چاندنظر نہیں آیا
شیعہ علماء کا بیان
حیدرآباد : سید اصغر جعفری صاحب کی اطلاع کے مطابق کل ہند شیعہ مجلس علماء و ذاکرین نے یہ اعلان کیا ہے کہ چاند نظر نہیں آیا اور نہ ہی کہیں سے رویت کی اطلاع ملیں اور نہ ہی کہیں سے رویت ثابت ہوئی ۔ لہذا 16 ڈسمبر 2020 ء کو 30 ربیع الثانی 1442 ھ ہوگی اور 17 ڈسمبر 2020 ء کو یکم جمادی الاول 1442 ھ ہوگی ۔ اس کی تصدیق حسب دیل علماء کرام نے کی ہے۔ مولانا سید حسن زیدی، مولانا ڈاکٹر سید نثار حسین حیدر آقا، مولانا رضا عباس خاں، مولانا سید جواد عابدی ، مولانا سید محبِ عابد اور مولانا سید محمد علی۔