حیدرآباد ۔ 8 ستمبر (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ صفر المظفر 1443ھ زیر نگرانی مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا۔ شہر میں مطلع ابر آلود تھا، چاند نظر نہیں آیا۔ رویت ہلال کمیٹی گلبرگہ شریف سے اطلاع ملی کہ وہاں عام رویت ہوئی، اس کے علاوہ محبوب نگر، کرنول، اودگیر، رحمت آباد، یادگیر، بیجاپور،لکھنؤ، پٹنہ، چینائی سے بھی چاند نظر آنے کی اطلاعات ملیں۔ لہذا تحت احکام شرعیہ کمیٹی اعلان کرتی ہے کہ جمعرات 09 ستمبر 2021 یکم صفر المظفر 1443ھ ہوگی۔ اجلاس میں مولانا مفتی خلیل احمد، مولانا سید حسن ابراہیم حسینی سجاد پاشاہ قادری، مولانا سید محمود بادشاہ قادری زرین کلاہ، مولانا سید آل مصطفیٰ قادری الموسوی علی پاشاہ، مولانا سید شیخن احمد شطاری کامل پاشاہ، مفتی سید صغیر احمد، حضرت مولانا ڈاکٹر سید علی حسینی قادری علی پاشاہ، مولانا مشہود احمد اور جناب قاضی سید نور اللہ فاروق عارفی نے شرکت کی۔
شیعہ علماء کا بیان
سید علی اصغر جعفری کی اطلاع کے مطابق کل ہند شیعہ مجلس علماء و زاکرین نے یہ اعلان کیا ہے کہ چاند نظر آگیا ہے۔ لہذا جمعرات 9 ستمبر 2021 کو یکم صفر المظفر 1443ھ ہوگی۔ اس کی تصدیق حسب ذیل علماء کرام نے کی ہے۔ مولانا سیدنبی حسن زیدی، مولانا ڈاکٹر سید نثار حسین حیدرآقا، مولانا رضا عباس خاں، مولانا سید جواد عابدی، مولانا سید محب عابد اور مولانا سید محمد علی۔