حیدرآباد : 26جون ( سیاست نیوز) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ محرم الحرام 144 زیرنگرانی مولانا سید حسن ابراہیم حسینی سجاد پاشاہ معتمد صدر مجلس علماء دکن 26 جون جمعرات 6بجے شام منعقد ہوا ۔ شہر میں مطلع ابرآلود رہا چاند نظر نہیں آیا اور ملک کے مختلف مقامات سے عام رویت کی اطلاع ملیں۔ جیسے نیلور ، رحمت آباد ، کڑپہ ، آسام وغیرہ ۔ لہذا تحت احکام شرعیہ مرکزی رویت ہلال کمیٹی صدر مجلس علمائدکن اعلان کرتی ہے 27 جون جمعہ یکم محرم الحرام ہوگی ۔ اجلاس میں حضرت مولانا سید حسن ابراہیم حسینی قادری سجاد پاشاہ ، حضرت مولانا مفتی خلیل احمد ، مولانا سید محمود بادشاہ قادریزریں کلاہ ، مولانا سید مفتی صغیر احمد نقشبندی ، مولانا سید شیخن احمد قادری شطاری کامل پاشاہ ، مولانا ڈاکٹر سید علی حسینی قادری علی پاشاہ ، مولانا مشہود احمد قادری ، مولانا سید قادر محی الدین قادری اور جناب قاضی سید نور اللہ فاروق عارفی نے شرکت کی۔
کُل ہند شیعہ مجلس علماء و ذاکرین کا اعلان
سید علی اصغر جعفری کے مطابق کل ہند شیعہ مجلس علماء و ذاکرین نے اعلان کیا ہے کہ چاند نظر آگیا ہے لہذا 27جون 2025 بروز جمعہ یکم محرم الحرام 1447ھ ہوگی ۔ اس کی تصدیق حسب ذیل علماء کرام نے کی ہے ۔ مولانا ڈاکٹر سید نثار حسین حیدر آقا ، مولانا رضاعباس خاں ، مولانا مھدی حسن بہشتی ، مولانا سید جلال حیدر ، مولانا سید جواد عابدی اور مولانا سید محب عابد ۔