حیدرآباد : /16 ستمبر (پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ربیع الاول 1445 زیر نگرانی مولانا سید شاہ حسن ابراہیم حسینی قادری سجاد پاشاہ معتمد صدر مجلس علماء دکن آج شام /29 صفر /16 ستمبر منعقد ہوا ۔ شہر و اطراف بلدہ سے اطلاعات ملی کہ چاند نظر آگیا ۔ محبوب نگر ، وجئے واڑہ ، کشن گنج ، تاڑپتری ، چینائی ، نیلور ، رحمت آباد و دیگر مقامات سے بھی چاند کی اطلاعات باوثوق ذرائع سے موصول ہوئی ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ کل /17 ستمبر 2023 اتوار یکم ربیع الوال 1445ھ ہوگی ۔ اجلاس میں ۔ مولانا سید حسن ابراہیم حسینی قادری سجاد پاشاہ معتمد مولانا مفتی خلیل احمد شیخ الجامعہ ، مولانا سید محمود بادشاہ قادری زریں کلاہ ، مولانا مفتی سید صغیر احمد نقشبندی ، مولانا سید شیخین احمد شطاری کامل پاشاہ ، مولانا سید وصی اللہ حسینی قادری ، مولانا مشہود احمد ، مولانا ڈاکٹر سید علی حسینی قادری علی پاشاہ نے شرکت کی ۔
شیعہ علماء کا بیان
سید علی اصغر جعفری کے بموجب کل ہند شیعہ مجلس علماء و ذاکرین نے اعلان کیا کہ شہر میں چاند نظر آگیا ۔ لہذا 17 ستمبر کو یکم ربیع الاول 1445 ھ ہوگی ۔ اس کی تصدیق حسب ذیل علماء نے کی ہے ۔ مولانا سید نبی حسن زیدی ‘ مولانا ڈاکٹر سید نثار حسین حیدر آقا ‘ مولانا رضا عباس خاں ‘ مولانا سید جواد عابدی اور مولانا سید مجب عابد۔
