حیدرآباد۔ 24 فبروری ( پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ رجب المرجب 1441 ھ زیرنگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا ، شہر میں چاند نظر نہیں آیا ۔ رویت ہلال کمیٹی گلبرگہ شریف، ورنگل ، کڑپہ ، رائچور ، بسوا کلیان ، ممبئی ، چینائی ، ناندیڑ ، پھلواری شریف ، سورت ( گجرات ) میں مطلع صاف ہونے کے باوجود چاند نظر نہیں آنے کی اطلاعات ہیں ۔ جبکہ دہلی ، لکھنو اور کلکتہ میں مطلع ابرآلود ہونے اور چاند نظر نہیں آنے کی اطلاعات ملیں ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 25فبروری 2020ء 30جمادی الاخر1441ھ ہوگی ۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین ، حضرت مولانا مفتی خلیل احمد ، حضرت مولانا سید حسن ابراہیم حسینی سجاد پاشاہ قادری ، حضرت مولانا سید محمود بادشاہ قادری زرین کلاہ ، حضرت مولانا سید حامد محمد افتخار پاشاہ قادری اور جناب قاضی سید نور اللہ فاروقی عارفی نے شرکت کی ۔
چاند نظر نہیں آیا، شیعہ علماء کا بیان
حیدرآباد ۔ 24فبروری ( راست) سید علی اصغر جعفری صاحب کی اطلاع کے مطابق کل ہند شیعہ مجلس علماء و ذاکرین نے یہ اعلان کیا ہے کہ شہر میں چاند نظر آیا اور نہ ہی کہیں سے رویت کی تصدیق ہوسکی ۔ لہذا 25فبروری سے شنبہ کو 3جمادی الثانی ہوگی اور 26 فبروری چہارشنبہ 2020ء کو یکم رجب المرجب 1441ء ہوگی ۔ اس کی تصدیق حسب زیل علماء کرام نے کی ہے ۔ مولانا سید حسن زیدی ، مولانا ڈاکٹر سید نثار حسین حیدرآقا ، مولانا رضا عباس خان ، مولانا سید جواد عابدی ، مولانا محب عابد اور مولانا میر محمد علی ۔