حیدرآباد : /21 نومبر (راست) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ جمادی الثانی 1447ھ زیرنگرانی حضرت مولانا سید حسن ابراہیم حسینی سجاد پاشاہ معتمد صدر مجلس علماء دکن آج شام منعقد ہوا ۔ شہر میں مطلع صاف رہا اور ملک کے مختلف مقامات سے مطلع ابر آلود کی اطلاعات ملیں اور کچھ مقامات سے مطلع صاف ہونے کے باوجود چاند نظر نہیں آنے کی اطلاعات ملیں ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ /22 نومبر 2025 ء بروز ہفتہ کو /30 جمادی الاول ہوگی ۔ اجلاس میں حضرت مولانا سید حسن ابراہیم حسینی قادری سجاد پاشاہ ، حضرت مولانا سید محمود بادشاہ قادری زرین کلاہ ، حضرت مولانا سید محمد اولیا حسینی قادری مرتضی پاشاہ ، مولانا ڈاکٹر سید علی حسینی قادری علی پاشاہ ، مولانا سید قادر محی الدین قادری جنید پاشاہ اور جناب قاضی سید نور اللہ فاروق عارفی نے شرکت کی ۔
شیعہ علماء کا بیان
٭٭ سید علی اصغر جعفری کے مطابق کل ہند شیعہ مجلس علماء و ذاکرین نے یہ اعلان کیا کہ شہر میں چاند نظر نہیں آیا اور نہ ہی کہیں سے رویت ثابت ہوپائی ۔ لہذا /22 نومبر 2025 ء شنبہ کو /30 جمادی الاول 1447ھ ہوگی اور /23 نومبر 2025 ء یکشنبہ کو یکم جمادی الثانی 1447ھ ہوگی ۔ اس کی تصدیق حسب ذیل علماء کرام نے کی ہے ۔ مولانا ڈاکٹر سید نثار حسین حیدر آقا ، مولانا رضا عباس خاں ، مولانا مہدی حسن بہشتی ، مولانا سید بلال حیدر ، مولانا سید جواد عابدی اور مولانا سید محب عابد۔