حیدرآباد۔/3 مارچ، ( پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال شعبان المعظم 1443 ھ زیر نگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام خانقاہِ کامل مرکزی آستانہ شطاریہ منعقد ہوا۔ شہر میں مطلع صاف تھا چاند نظر نہیں آیا۔ رویت ہلال کمیٹی گلبرگہ شریف سے اطلاع ملی کہ وہاں بھی چاند نظر نہیں آیا۔ ناندیڑ، اودگیر، رحمت آباد، چینائی، بنگلور، خانقاہ محیبیہ پٹنہ، پالگڑ، لکھنؤ، سورت، ممبئی اور کولکتہ سے مطلع صاف ہونے کی اطلاعات ہیں اور چاند نظر نہیں آیا ۔ لہذاتحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 4 مارچ جمعہ 30 رجب المرجب 1443 ہوگی۔ اجلاس میں حضرت مولانا سید محمد قبول بادشاہ قادری الشطاری، حضرت مولانا مفتی خلیل احمد، مولانا سید حسن ابراہیم حسین سجاد پاشاہ قادری، مولانا سید محمود بادشاہ قادری زرین کلاہ، مولانا سید اولیا حسینی مرتضیٰ پاشاہ قادری، مولانا مفتی سید صغیر احمد نقشبندی، مولانا سید شیخن احمد الشطاری کامل پاشاہ، مولانا ڈاکٹر سید علی حسینی قادری علی پاشاہ، حضرت مولانا مشہود احمد ، جناب قاضی سید نور اللہ فاروق عارفی نے شرکت کی۔
شیعہ علما کا بیان
٭٭ سید علی اصغر جعفری کی اطلاع کے مطابق کُل ہند شیعہ مجلس علماء و ذاکرین نے اعلان کیا کہ شہر میں چاند نظر نہیں آیا اور نہ ہی کہیں سے رویت کی اطلاع ملی اور نہ رویت ثابت ہوپائی۔ لہذا 4 مارچ 1443 ھ جمعہ کو 30 رجب المرجب 1443 ھ ہوگی اور 5 مارچ 1443 ھ بروز شنبہ کو یکم شعبان المعظم 1443 ھ ہوگی۔ اس کی تصدیق حسب ذیل علماء کرام نے کی ہے: مولانا سید نبی حسن زیدی، مولانا ڈاکٹر سید نثار حسین حیدر آقا، مولانا رضا عباس خاں، مولانا سید جواد عابدی، مولانا سید محب عابد اور مولانا سید محمد علی۔
