حیدرآباد۔ 6 ؍ جنوری ( پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ جمادی الاولی 1440 ھ زیرنگرانی مولانا سید محمد قبول بادشاہ قادری الشطاری معتمد صدر مجلس علماء دکن آج شام بمقام حسینی بلڈنگ معظم جاہی مارکٹ میں منعقد ہوا ۔ شہر میں مطلع آبر آلود تھا چاند نظر نہیں آیا ۔ رویت ہلال کمیٹی گلبرگہ شریف ‘ رائچور ‘ ناندیڑ ‘ پٹنہ ‘جھارکھنڈ کے علاقوں ‘ دہلی ‘لکھنو ‘ ممبئی ‘ سورت ‘ بنگلور اور چینائی سے مطلع صاف ہونے کے باوجود چاند نظرنہیں آنے کی اطلاعات ملیں ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 7 ؍ جنوری 2019 بروز دوشنبہ 30؍ ربیع الثانی 1440 ہوگی ۔ اجلاس میں مولانا سید محمد قبول بادشاہ قادری الشطاری ‘ مولانا مفتی محمد عظیم الدین ‘ مولانا مفتی خلیل احمد ‘مولانا سید حسن ابراہیم حسینی سجاد پاشاہ قادری ‘ مولانا سید محمود بادشاہ قادری زرین کلا ہ ‘ مولانا سید حامد محمد افتخار پاشاہ قادری اور جناب قاضی سید نور اللہ فاروقی عارفی نے شرکت کی ۔
شیعہ علما کا بیان
۰۰۰ سید علی اصغر جعفری نے اطلاع دی کہ کل ہند شیعہ مجلس علما و ذاکرین نے یہ اعلان کیا کہ شہر حیدرآباد میں چاند نظر نہیں آیا اور نہ ہی کہیں سے رویت ثابت ہوئی لہٰذا 7 جنوری 2019کو 30 ربیع الثانی 1440ھ ہوگی اور 8 جنوری 2019ء سہ شنبہ کو یکم جمادی الاول 1440ھ ہوگی۔ اس کی تصدیق حسب ذیل علمائے کرام نے کی ہے۔ مولانا سید نبی حسن زیدی، مولانا ڈاکٹر سید نثار حسین حیدر آقا، مولانا رضا عباس خاں، مولانا سید جلال حیدر، مولانا عسکری علی خاں اور مولانا سید جواد عابدی۔