آر جے ڈی رہنما تیجسوی یادو نے بہار میں ایل جے پی کے ساتھ چراگ پاسوان کے اتحاد پر کھل کر اپنے رخ کا اظہار کیا ہے تیجسوی نے انٹرویو دیتے ہوئے کہا کہ گٹھ بندھن کے بارے میں فیصلہ چراگ کو لینا ہے اگر نظریہ کا مقابلہ ہو تو ہمیں کوئی اعتراض نہیں۔ لیکن پہل چراگ پاسوان کو کرنا ہوگا، بہار انتخابات میں چراگ پاسوان کے جے ڈی یو مخالف رخ سے آر جے ڈی کی مدد کرنے کے سوال پر تیجسوی نے کہا کہ آر جے ڈی کی سیٹیں زیادہ نہیں آئیں کیوں کہ چراگ پاسوان نے مدد کی ہے ہمارے بہت سارے امیدوار بھی انکے امیدوار کی وجہ سے ہار گئے تھے چراگ کے ساتھ جو ہوا وہ ٹھیک نہیں ہوا چراگ قانونی جنگ لڑے گا لیکن عوام ان کی حمایت میں ہے چراگ کو فیصلہ کرنا ہوگا کہ وہ رام ولاس جی کے نظریہ کو کس طرح آگے لے جائیں گے۔
