حیدرآباد28فروری(یواین آئی) چلتی بس میں دل کا دورہ پڑنے سے کنڈکٹر کی موت ہوگئی۔یہ واقعہ تلنگانہ کے ضلع میدک کے نرساپور میں پیش آیا۔یہ بس، پرگناپور سے سنگاریڈی کی سمت جارہی تھی۔اس کنڈکٹر کی شناخت بھکشاپتی کے طورپر کی گئی ہے جو دل کا دورہ پڑنے سے اچانک بس میں گرپڑا۔اس کو بذریعہ آٹو ہاسپٹل منتقل کیاگیا تاہم اس کا معائنہ کرتے ہوئے ڈاکٹرس نے اس کو مردہ قراردیا۔ذرائع کے مطابق آرٹی سی ملازمین نے الزام لگایا ہے کہ کنڈکٹر کی موت کے لئے اعلی عہدیدار ذمہ دار ہیں جنہوں نے خرابی صحت کے باوجود اس کی رخصت کی درخواست کو مسترد کردیا۔بتایاجاتا ہے کہ چیکنگ عہدیداروں نے اس کنڈکٹر کو میموجاری کیا تھا جس کے نتیجہ میں وہ مایوسی کاشکار ہوگیا۔
