سانٹیاگو 19 اکتوبر( سیاست ڈاٹ کام ) چلی کے صدر سیبسٹین پنیرا نے پبلک ٹرانسپورٹ کے کرایہ میں اضافہ کے خلاف مظاہروں کے دوران تشدد کے پیش نظر ہفتہ کو دارالحکومت سانٹیاگو اور دیگر حصوں میں ایمرجنسی کا اعلان کیاہے ۔مسٹر پنیرا نے کہاگزشتہ چند دنوں میں تصادم اور سب وے اور املاک کے ساتھ شہریوں پر حملے ہوئے ہیں۔ ان لوگوں نے تحریک کو متاثر کیااور قانون کی خلاف ورزی کی ہے ۔ آئین کی طرف سے حاصل قانون کے نظام کوبرقرار رکھنا میری ذمہ داری ہے ۔ میں نے سانٹیاگو اور چاکبکوں صوبوں کے ساتھ پوئنٹا آلرو اور برنارڈو میں ایمرجنسی نافذ کردی ہے ۔انہوں نے کہا کہ میں نقل و حمل کے کرایہ پر بات چیت کیلئے ورکنگ گروپ کی تشکیل کروں گا۔قابل ذکر ہے کہ چلی میں عوامی نقل و حمل کے کرایہ میں اضافہ کے خلاف گزشتہ ہفتہ سے لوگ مظاہرہ کر رہے ہیں۔جمعہ کو مظاہرہ پرتشدد ہو گیا اور مظاہرین نے ‘سب وے اسٹیشنوں’ کے ساتھ نقل و حمل دفاتر میں آگ لگا دی۔ان واقعات کے بعد سانٹیاگو سب وے کو ہفتہ کے آخری دن بند رکھنے کا اعلان کیا ہے ۔
