حیدرآباد،4 ؍جنوری (یواین آئی) آندھرا پردیش کے وزیراعلی این چندرا بابو نائیڈو کے داوس کے دورہ کو مرکز نے محدود کرتے ہوئے اس 8دن کے دورہ کو صرف چار دن کردیاہے ۔وزیراعلی کے ساتھ 14افراد کا وفد داوس جانے والا تھا جس کے لئے مرکز سے اجازت طلب کی گئی تاہم مرکز نے صرف چار دن کے دورہ کی اجازت دی۔سوئٹزرلینڈ کے داوس میں ہونے والے عالمی معاشی فورم کے پروگرام میں چندرابابونائیڈو شرکت کے لئے 20جنوری کو روانہ ہوں گے ۔ریاست میں سرمایہ کاری کو فروغ دینے کیلئے وہ یہ دورہ ہر سال کرتے ہیں۔ان کے ساتھ وزرا، عہدیداروں کا ایک بڑاوفد بھی ہوتا ہے ۔اس مرتبہ بھی 20تا26جنوری داوس میں ہونے والے عالمی معاشی فورم کے اجلاس میں شرکت کے لئے وہ جانے کے خواہشمند تھے ۔ان کے ساتھ ریاستی وزرا وائی رام کرشنوڈو ، لوکیش سمیت 14دیگر عہدیدار وں کا وفد بھی داوس جاناچاہتا تھا تاہم اس دورہ کے سلسلہ میں وزارت خارجہ سے اجازت طلب کی گئی تاہم وزارت خارجہ نے اس دورہ کو چار دن کردیا ۔
