متھرا : اترپردیش کے وزیر اعلی یوگی آدتیہ ناتھ نے اپوزیشن جماعت سماج وادی پارٹی(ایس پی)اور بہوجن سماج پارٹی(بی ایس پی) پر مجرمین کو پناہ دینے کا الزام لگاتے ہوئے کہا کہ جب مجرمین کے خلاف کاروائی ہوتی ہے تو ان پارٹیوں کے لیڈروں کو تکلیف ہوتی ہے ۔یوگی نے اتوار کو یہاں بی جے پی جن وشواس یاترا کو روانہ کرتے ہوئے کہا‘کل میں دیکھ رہا تھا کہ محکم انکم ٹیکس کے چھاپے پڑرہے تھے تو ایس پی کو تکلیف ہورہی تھی۔ پانچ سال میں کسی کی ملکیت دو گنی کیسے ہوجاتی ہے ۔ یہ سب ایس پی کے اقتدار میں ہوسکتا تھا۔ یہ چار کی داڑھی میں تنکا ہے جو ان کی بے چینی کو ظاہر کرتا ہے ۔وزیراعلی یوگی آدتیہ ناتھ نے کہا‘ ان لوگوں کو مفت راش، مفت ویکسین عوام کو دینا اچھا نہیں لگتا ہے ۔ فسادیوں، مجرمین اور مافیاؤں پر ہونے والی کاروائی انہیں اچھی نہیں لگتی ہے ۔ انہیں فسادیوں اور دہشت گردوں کو گلے لگانا اچھا لگتا ہے ۔ یوگی نے دعوی کیا کہ ان کی حکومت کے میعاد کار میں اترپردیش میں کوئی فساد نہیں ہوا اور نہ ہی کسی کو فساد کی وجہ سے نقل مکانی کرنی پڑی۔
