پونے 13جولائی (یو این آئی) نیشنلسٹ کانگریس پارٹی (اجیت پوار دھڑے ) کے رہنما دیپک مانکر نے اتوار کے روز کہا کہ چھترپتی شیواجی مہاراج سے متعلق 12 قلعوں کو اقوام متحدہ کی تعلیمی، سائنسی اور ثقافتی تنظیم (یونیسکو) کی عالمی ثقافتی ورثہ کی فہرست میں شامل کرنا صرف مہاراشٹر کے لیے نہیں بلکہ پورے ملک کے لیے فخر کی بات ہے ۔ مانکر نے وزیر اعظم نریندر مودی، مہاراشٹر کے وزیر اعلی دیویندر فڑنویس، نائب وزرائے اعلیٰ اجیت پوار اور ایکناتھ شندے اور ثقافتی امور کے وزیر آشیش شیلار سے اس تاریخی شناخت کو ممکن بنانے کی کوششوں کے لیے شکریہ ادا کیا۔یونیسکو نے جن قلعوں کو فہرست میں شامل کیا ہے ، ان میں رائے گڑھ، راج گڑھ، شیو نیری، پنہالہ، لوہا گڑھ، سوورنادرگ، سللہر، کھنڈیری، وجے درگ، سندھو درگ اور گنجی (تامل ناڈو میں) شامل ہیں۔ مانکر نے شیواجی مہاراج کے پیروکاروں اور مہاراشٹر کے عوام کی جانب سے مرکزی اور ریاستی حکومتوں سے اس باوقار عالمی شناخت حاصل کرنے پر اظہار تشکر ادا کیا۔انہوں نے کہا کہ یہ اعزاز شیواجی مہاراج کی دور اندیش قیادت اور مراٹھا سلطنت کی پائیدار ثقافتی اور تاریخی اہمیت کو خراج عقیدت ہے ۔
