دانٹے واڑہ: چھتیس گڑھ کے شہر دانتے واڑا میں شیروں کے شکار کے ایک معاملے میں 14 افراد کو گرفتار کیا گیا ہے ۔چیف محافظ جنگلات شاہد نے بتایا کہ شیروں کے غیر قانونی شکار کے معاملے میں اب تک 14 افراد کو گرفتار کیا گیا ہے ۔ اس کے علاوہ مفرور دونوں اے ایس آئی اور ہیڈ ٹیچر دونوں کو بھی گرفتار کرلیا گیا ہے ۔ انہوں نے بتایا کہ شیروں کی کھال برآمد ہونے کے بعد پولیس اور محکمہ جنگلات کی ٹیم نے معاملے کو مکمل طور پر حل کرلیا ہے ۔انہوں نے بتایا کہ اتوار کو تین شکاریوں بدرو ، بھیما اور رام لال کو بھی گرفتار کیا گیا تھا۔ ان تینوں ملزمان سے پوچھ گچھ کے دوران یہ انکشاف ہوا ہے کہ انہوں نے جنگلی سور کو پھنسانے کے لئے اندرونی حصے میں جال بچھایا تھا۔ اس کے بعد ان تینوں نے شیر کو مار ڈالا، اس کا گوشت کھایا اور کچھ خشک کردیا۔ شیر کی کھال کو چھپا دیا تھا۔
