رائے پور۔ 21 اکتوبر (یو این آئی) چھتیس گڑھ کے رائے پور میں مانا کیمپ میں اس سال دیوالی کی روشنی کے درمیان کچھ انوکھا دیکھنے کو ملا۔ ’آباؤ اجداد کے نام پر ایک دیا‘ کے جذباتی پیغام کے ساتھ بنگ ہندو سماج نے تقریباً 21,000 دیسی مٹی کے دیوں سے ہندو مکتی دھام کمپلیکس کو روشن کیا۔ پورے کمپلیکس کو سجانے والے چراغوں کے ہار عقیدت اور اتحاد کا شاندار نظارہ پیش کر رہے تھے ۔ یہ واقعہ آباؤ اجداد کی تعظیم اور شکرگزاری کی علامت ہے ۔ کمیونٹی کے ارکان نے اجتماعی طور پر آنجہانی کی آتماؤں کو خراج عقیدت پیش کرنے کیلئے چراغ روشن کیا۔ مانا کیمپ میں اس طرح کا یہ پہلا واقعہ تھا جس نے مقامی کمیونٹی پر گہرا اثر چھوڑا۔ بنگ برادری میں رائج روایت کے مطابق دیوالی کے موقع پر دیوی کالی کی بھی پوجا کی جاتی تھی۔
