جگدل پور: چھتیس گڑھ کے کوراپُٹ سے رکن اسمبلی ستگری شنکر اُلکا نے آج کہا کہ مودی حکومت کی جانب سے کیے گئے نوٹ بندی اور جی ایس ٹی سے ملک برباد ہوگیا ہے ۔ اُلکا نے کہا کہ آئندہ 2023 چھتیس گڑھ اسمبلی کے پیش نظر ریاست میں کارکنان کی تقریب منعقد کی جائے گی۔ ریاستی حکومت کے عوامی مفاد کے منصوبوں کو کارکنان گھر گھر تک پہنچانے میں سرگرم ہیں۔ انہوں نے کہا کہ آئندہ اسمبلی الیکشن میں ایک بار پھر کانگریس کو اکثریت ملے گی۔ انہوں نے کہا کہ وزیراعلیٰ بھوپیش بگھیل نے کسانوں کا قرض معاف کرنے کے ساتھ ٹاٹا متاثرین کی زمین کو لوٹایا۔ اسی کے ساتھ چھتیس گڑھ کو ملک کی پہلی ایسی ریاست ہونے کا عزاز حاصل ہوا جہاں کسانوں کو دھان کی کم از کم امدادی قیمت (ایم ایس پی) 2500 روپئے دی گئی۔
