۔9 لفٹ اریگیشن پراجکٹس کا سنگ بنیاد رکھنے کے بعد عوامی جلسہ سے خطاب کریں گے
حیدرآباد : چیف منسٹر کے سی آر 10 فبروری کو حالیہ میں جلسہ عام سے خطاب کرتے ہوئے اسمبلی حلقہ ناگرجنا ساگر کے ضمنی انتخاب کی انتخابی مہم کا عملاً آغاز کریں گے۔ دوباک اور گریٹر حیدرآباد میونسپل انتخابات میں ٹی آر ایس کی شکست کے بعد چیف منسٹر آئندہ ریاست میں منعقد ہونے والے تمام انتخابات میں پارٹی کو کامیاب بنانے کے لئے خصوصی حکمت عملی اختیار کررہے ہیں۔ انھوں نے ضلع نلگنڈہ کے ٹی آر ایس قائدین کا پرگتی بھون میں اجلاس منعقد کرتے ہوئے تازہ سیاسی صورتحال کا جائزہ لیا۔ جہاں پر کانگریس کے امیدوار سینئر قائد جانا ریڈی کا طاقتور موقف ہے۔ انھوں نے پارٹی قائدین کو مشورہ دیا کہ وہ ناگرجنا ساگر ضمنی انتخابات کو آسان تصور نہ کریں۔ بلکہ اتحاد کا مظاہرہ کرتے ہوئے پارٹی امیدوار کو کامیاب بنانے کے لئے ہر قائد سرگرم عمل رہے۔ وہ خود اسمبلی حلقہ ناگر جنا ساگر کا 10 فروری کو دورہ کریں گے۔ صبح 10 بجے ناگر جنا ساگر پراجکٹ کا معائنہ کریں گے۔ 12.30 بجے 9 لفٹ اریگیشن پراجکٹس کا سنگ بنیاد رکھیں گے۔ اس کے بعد حالیہ میں منعقد ہونے والے جلسہ عام سے خطاب کریں گے۔ واضح رہے کہ آخری مرتبہ جی ایچ ایم سی انتخابات کے لئے 28 نومبر کو ایل بی اسٹیڈیم میں منعقدہ جلسہ عام سے انہوں نے خطاب کیا تھا۔ انھوں نے متحدہ ضلع نلگنڈہ کے پارٹی قائدین سے بات چیت کرتے ہوئے بتایا کہ تمام سروے ٹی آر ایس کے حق میں ہیں ٹی آر ایس کا امیدوار ناگر جنا ساگر کے ضمنی انتخابات میں بھاری اکثریت سے کامیابی حاصل کرے گا۔ ٹی آر ایس کے دور اقتدار میں فلورائیڈ مسئلہ کا خاتمہ ہوا ہے۔ اسمبلی حلقہ ناگر جنا ساگر میں بڑے پیمانے پر ترقیاتی کام کئے گئے ہیں جس کی ماضی میں کوئی نظیر نہیں ملتی۔ٹی آر ایس حکومت ناگرجنا ساگر میں کامیابی کیلئے ہرممکن کوشش کررہی ہے ۔حالیہ بلدی انتخابات میں پارٹی کی ناکامی کے بعد ٹی آر ایس بہت محتاط ہے ۔
چیف منسٹر 10 فبروری کو ناگرجنا ساگر میں انتخابی مہم کا عملاً آغاز کریں گے