دوبئی۔ دونوں ٹیمیں آئی پی ایل کے میچ ٹیبل میں پہلے مقام پر پہنچنے کے لیے کوشاں ہیں جو پیرکو یہاں ہونے والے میچ میں پہلے نمبر پر آنے والی چینائی سوپر کنگز اور دوسرے مقام والی دہلی کیپیٹلز کے درمیان اہم مقابلہ ہوگا۔چینائی اور دہلی دونوں کے درمیان یہ میچ اس آئی پی ایل کا50 واں میچ ہوگا اور اس کے ساتھ ٹورنمنٹ میں میچوں کی نصف سنچری بھی مکمل ہوگی۔ دونوں ٹیموں کے 9 میچوں اور تین ہا کے بعد 12 میچوں میں سے ہر ایک کے 18 پوائنٹس ہیں لیکن بہتر رن ریٹ کی بنیاد پرچینائی پہلے اور دہلی دوسرے نمبر پر ہیں۔ چینائی کا نیٹ رن ریٹ +0.829 ہے جبکہ دہلی کا نیٹ رن ریٹ+0.551 ہے ۔ہفتہ کو دہلی نے اپنے آخری میچ میں ممبئی انڈینزکو چار وکٹوں سے جبکہ چینائی کو ہائی اسکورنگ میچ میں راجستھان رائلز سے سات وکٹوں سے شکست دی تھی۔ دونوں ٹیموں کے درمیان پہلے مرحلہ کا مقابلہ ممبئی کے وانکھیڑے اسٹیڈیم میںکھیلاگیا تھا جس میں دہلی نے سات وکٹوں سے کامیابی حاصل کی تھی۔چینائی نے20 اوورز میں سات وکٹوں پر 188 جبکہ دہلی نے اوپنر شکھر دھون کے 85 رنزکی بدولت 18.4 اوورز میں تین وکٹوں پر 190 رنز بناکر یکطرفہ جیت حاصل کی تھی۔دونوں ٹیموں نے متحدہ عرب امارات مرحلے میں اب تک بہترین کارکردگی کا مظاہرہ کرتے ہوئے پلے آف میں جگہ حاصل کی ہے ۔ تاہم چینائی نے کل اپنی جارحانہ بیٹنگ سے راجستھان کو شکست دے کر کچھ حیران کیا تھا۔چینائی کے کپتان مہندر سنگھ دھونی کو توقع نہیں تھی کہ راجستھان ان پر اس طرح حملہ کرے گا لیکن اس شکست کے بعد دھونی کو ضرور چوکنا رہنا چاہیے کہ کسی بھی قسم کا تجربہ خطرے سے خالی نہیں ہوگا۔ تاہم اس شکست میں چینائی کے لیے یہ بھی اطمینان کی بات تھی کہ اس کے اوپنر ریتوراج گائیکواڑ نے اس میچ میں60 گیندوں پر شاندار سنچری (101) بنائی اور ناٹ آوٹ پویلین لوٹے ۔
