کانوے اور بریوس کی نصف سنچریاں۔ کمبوج اور نور محمد کو تین تین وکٹس حاصل ہوئے
احمد آباد : انڈین پریمئیر لیگ 2005 کے ایک میچ میں آج چینائی سوپر کنگس نے میزبان گجرات ٹائٹنس کو 83 رنوں کی کراری شکست سے دو چار کردیا ۔ گجرات کی ٹیم پہلے ہی پلے آفس مرحلہ کیلئے کوالیفائی ہوچکی ہے ۔ چینائی سوپر کنگس نے پہلے بیٹنگ کرتے ہوئے اپنے 20 اوورس میں پانچ وکٹس کے نقصان پر 230 رنوں کا بڑا اسکور کھڑا کیا تھا ۔ چینائی کیلئے ڈیوان کانوے اور ڈیوالڈ بریوس نے نصف سنچریاں اسکور کیں۔ کانوے نے 35 گیندوں میں دو چھکوں اور چار چوکوں کی مدد سے 52 رنز اسکور کئے تھے ۔ انہیں راشد خان نے بولڈ کیا ۔ بریوس نے 23 گیندوں میں پانچ چھکوں اور چار چوکوں کی مدد سے 57 رن بنائے ۔ انہیں پرسدھ کرشنا کی گیند پر بٹلر نے کیچ کیا ۔ اوپنر آیوش مہاترے نے 17 گیندوں میں تین چھکوں اور تین چوکوں کی مدد سے 34 رنز بنائے تھے ۔ ارول پٹیل نے 37 رن دو چھکوں اور چار چوکوں کی مدد سے بنائے تھے ۔ شیوم دوبے نے 17 رنز اسکور کئے جبکہ ریندر جڈیجہ 18 گیندوں میں 21 رن بناکر ناٹ آوٹ رہے ۔ گجرات کیلئے پرسدھ کرشنا نے دو وکٹس لئے جبکہ سائی کشور ‘ راشد خان اور شاہ رخ خان کو ایک ایک وکٹ حاصل ہوئی تھی ۔ جواب میں گجرات ٹائٹنس کی طاقتور سمجھی جانے والی ٹیم محض 147 رنوں پر ڈھیر ہوگئی ۔ سب سے زیادہ 41 رن سائی سدرشن نے 28 گ یندوں میں بنائے ۔ انہوں نے چھ چوکے لگائے ۔ شبمن گل صرف 13 رن پر پویلین لوٹے جبکہ جوس بٹلر پانچ رن ہی بناسکے ۔ شرفانے رتھرفورڈ صفر پر آوٹ ہوگئے ۔ شاہ رخ خان نے 19 رن دو چھکوں کی مدد سے بنائے ۔ راہول تیواتیا ایک چوکے کی مدد سے محض 14 رنز ہی جوڑ سکے ۔ راشد خان نے 12 رنز ایک چوکے کی مدد سے بنائے ۔ گیرالڈ کوئٹز نے پانچ رن بنائے ۔ ارشد خان نے 14 گیندوں میں تین چھکوں کی مدد سے 20 رنز اسکور کئے ۔ سائی کشور تین رن بناکر آوٹ ہوئے جبکہ محمد سراج تین رن بناکر ناٹ آوٹ رہے ۔ چینائی کیلئے انشول کمبوج اور نور محمد نے کفایتی اور اثر دار بولنگ کی ۔ دونوں کو تین تین وکٹس حاصل ہوئے جبکہ رویندر جڈیجہ نے دو ‘ خلیل احمد نے ایک اور پتی رانا نے ایک وکٹ حاصل کی ۔
