بیجنگ : چین اور اسرائیل کے صدور کے درمیان پہلی مرتبہ فون پر رابطہ ہوا ہے۔نیوزایجنسی کے مطابق اسرائیل کیصدر اسحاق ہرزوگ اور چینی صدر شی جن پنگ کے دوران ٹیلی فونک رابطہ ہوا، دونوں ممالک کے صدور کے درمیان یہ پہلا ٹیلی فونک رابطہ ہے۔چینی میڈیا کے مطابق صدر شی جن پنگ کا کہنا تھا کہ چین اسرائیل کے ساتھ جامع شراکت داری اور صحت مند و مستحکم ترقی کے فروغ کیلیے تیار ہے۔چینی صدرنے کہا کہ چین اسرائیل کے ساتھ سائنس و ٹکنالوجی زراعت اور صحت کے شعبے میں تعاون بڑھانا چاہتا ہے۔خبر ایجنسی کے مطابق اسرائیلی صدر نے ایران کے جوہری پروگرام کامعاملہ بھی اٹھایا۔ اس کے علاوہ اسرائیلی صدر کا کہنا تھا کہ اسرائیل چین کے ساتھ سائنس و ٹکنالوجی معاشی ترقی، زراعت اور کھیلوں سمیت دیگر شعبوں میں تعاون کا خواہاں ہے۔خیال رہے کہ چین اور اسرائیل نے 1992 میں سفارتی تعلقات قائم کئے تھے اور دونوں ممالک کے صدور کے درمیان یہ رابطہ ایسے وقت ہوا ہے جب 2 ماہ بعد دونوں کے سفارتی تعلقات کے قیام کو 30 سال ہونے جارہے ہیں۔
