بیجنگ۔ چین کے صدر شی جن پنگ نے تائیوان کے ساتھ دوبارہ اتحاد کے عزم کا اظہار کیا ہے۔ شی نے بیجنگ میں ایک تقریب سے خطاب کرتے ہوئے کہا کہ پرامن طریقہ سے متحد ہونا پوری چینی قوم کے مفاد میں ہو گا۔ تائیوان پر اس وقت چین کا شدید سیاسی اور فوجی دباؤ ہے کہ وہ بیجنگ کی حاکمیت کو تسلیم کرے۔ تاہم تائے پے کی جمہوری حکومت نے اپنی آزادی کا دفاع کرنے پر زور دیتے ہوئے کہا ہے کہ تائیوان کے عوام ہی اپنے مستقبل کا فیصلہ کرسکتے ہیں۔ بیجنگ حکومت تائیوان کو ایک خود مختار ملک تسلیم کرنے کی بجائے چین کا ایک باغی صوبہ قرار دیتی ہے اور وہ دوبارہ اتحاد کے لیے کوشاں ہے۔ اس حوالے سے بین الاقوامی حلقوں میں کافی زیادہ تشویش پائی جاتی ہے۔
