ریاض: سعودی دارالحکومت ریاض میں مملکت اور چین کے درمیان ثقافتی اور تعلیمی تعاون کے فریم ورک کے تحت سعودی ا سکولوں میں چینی زبان سکھانے کیلئے آنے والے چینی اساتذہ کا خیرمقدم کیا گیا۔الاخباریہ کے مطابق ریاض کے محکمہ تعلیم نے 50 چینی مرد اور خواتین اساتذہ کے لیے ایک تعارفی تقریب کا اہتمام کیا جس میں ایک چینی استاد نے روایتی سعودی لباس میں شرکت کی۔یاد رہے کہ سعودی وژن 2030 کے مطابق چینی زبان سعودی عرب کے تعلیمی نصاب کا حصہ بن چکی ہے جس کا مقصد دنیا کے اہم ملکوں کے ساتھ ثقافتی اور لسانی تبادلے کو بڑھانا ہے۔یہ تعاون سعودی عرب اور چین کے درمیان دوطرفہ تعلقات کو مضبوط بنانے اور لسانی تعلیم کے دائرہ کار کو بڑھانے کے فریم ورک میں آتا ہے۔
