بیجنگ 23 مارچ (سیاست ڈاٹ کام ) چین میں ہفتے کے دن چھیالیس، اتوار کے دن انتالیس اور آج بروز پیر صرف دس افراد میں نئے کورونا وائرس کی تشخیص ہوئی۔ ملکی ہیلتھ کمیشن کے مطابق ان تمام مریضوں میں کووڈ انیس کی بیماری، بیرون ملک سفر کرنے والوں سے منتقل ہوئی۔ تاہم مقامی سطح پر کورونا کا کوئی بھی کیس سامنے نہیں آیا۔ واضح رہے کہ یہ وائرس چینی شہر ووہان سے شروع ہوا تھا۔ مجموعی طور پر چین میں آج بروز پیر کووڈ انیس کے مریضوں کی تعداد 81,093 ہے جبکہ ہلاک شدگان کی تعداد 3,270 تک پہنچ گئی ہے۔
