بیجنگ،20مارچ (سیاست ڈاٹ کام) چین میں پچھلے 24گھنٹے میں ملک میں کورونا وائرس (کووڈ 19)سے تین لوگوں کی موت ہوئی ہے اور انفیکشن کے 39نئے معاملے درج کئے گئے ہیں۔قومی صحت کمیشن نے جمعہ کو بتایا کہ چین میں باہر سے آنے والے معاملوں میں بیجنگ میں چھ ،گوآنگڈونگ صوبے میں 14، شنگھائی میں آٹھ، فوزیان میں تین، ہیئی لونگ زیانگ، لیواوننگ، ژیژیانگ، شیڈونگ، سیچوآن، گانسو، تیانجن شہر اور خودمختار خطہ گوآنگشی جوآنگ میں ایک ایک معاملہ درج کیاگیاہے ۔باہر سے آنے والے معاملوں کی تعدا د بڑھکر 228تک پہنچ گئی ہے ۔کمیشن نے بیان میں کہا کہ 31صوبوں میں کورونا وائرس کے 80967معاملوں کی تصدیق ہونے کی اطلاع ملی ہے ۔اس وقت 6569لوگ اس انفیکشن سے متاثر ہیں ،جن میں 2136لوگوں کی حالت نازک ہے ۔اس بیماری سے 3248لوگوں کی موت ہوچکی ہے اور ٹھیک ہونے کے بعد 71150 لوگوں کو اسپتالوں سے چھٹی دے دی گئی ہے ۔مہاماری کی شروعات والے ہوبئی صوبے کے ووہان شہر میں پچھلے دودن میں کورونا وائرس کا کوئی بھی نیا معاملہ سامنے نہیں آیا ہے ۔ہانگ کانگ میں 208 لوگوں میں کورونا وائرس کے انفیکشن کی تصدیق ہوچکی ہے ،جن میں چار مریضوں کی موت ہوگئی ہے اور 98لوگوں کو ہاسپٹلس سے چھٹی دے دی گئی ہے ۔مکاؤ میں اس بیماری سے 70لوگ متاثر ہیں اور 10ٹھیک ہوچکے ہیں۔تائیوان میں 108لوگ اس میں مبتلا ہیں،جن میں سے ایک کی موت ہوگئی اور 26دیگر ٹھیک ہوگئے ۔عالمی ادارہ صحت(ڈبلیو ایچ او)نے کورونا وائرس کے بڑھتے خطرے کے درمیان اسے عالمی مہاماری قرار دے دیا ہے ۔جان ہاپکنس یونیورسٹی کے مطابق دنیا بھر میں 243000لوگ اس سے متاثر ہیں۔
