بیجنگ، 24 فروری (سیاست ڈاٹ کام) چین میں وبا کی شکل اختیار کر چکے کورونا وائرس سے مرنے والو کی تعداد بڑھ کر 2,592 اور متاثرین کی تعداد 77,150 ہو گئی ہے۔ چین کے نیشنل ہیلتھ کمیشن کی جانب سے پیر کو جاری حالیہ رپورٹ میں یہ اطلاع دی گئی۔ کمیشن کے مطابق اب تک 24,734 اس وبا سے صحیاب ہوچکے ہیں۔فی الحال کورونا وائرس سے متاثر 49,824 مریضوں کا علاج کیا جارہا ہے جن میں سے 9،915 کی حالت سنگین بتائی جارہی ہیے ۔کمیشن کے مطابق چین میں گزشتہ 24 گھنٹوں میں اس وائرس کے 409 نئے کیس کی تصدیق ہوئی ہے اور تقریبا 150 افراد کی موت ہو ئی ہے ، جن میں سے بیشتر کیس صوبہ ہبوئی کے ہیں۔قابل غور ہے کہ کورونا وائرس کا پہلا کیس چین کے صوبہ ہبوئی کے دارالحکومت ووہان میں گزشتہ سال دسمبر کے آخر میں سامنے آیا تھا اور اب یہ چین کے 31 صوبوں میں پھیل چکا ہے ۔ موجودہ وقت میں کورونا وائرس ہندوستان سمیت دنیا کے 26 سے زائد ممالک میں پھیل چکا ہے ۔
