کنمنگ ،27 نومبر (سیاست ڈاٹ کام) چین کے صوبہ ہنان میں ایک زیر تعمیر ہائی وے سرنگ کے منہدم ہو جانے سے چار کارکنوں کی موت ہو گئی اور آٹھ دیگر اب بھی ملبے میں پھنس ہوئے ہیں۔ حکومت کے مطابق شہر لنسانگ میں منگل کی شام تقریباً چھ بجے یہ واقعہ پیش آیا جس سے سرنگ میں 13 مزدور پھنس گئے جن میں سے پانچ کو نکال لیا گیا لیکن بعد میں ان میں سے چار کی موت ہو گئی۔ ملبہ سے نکالے جانے کے بعد زندہ بچ جانے والے ورکرز کو ہاسپٹل میں داخل کرا دیا گیا ہے جہاں ان کی حالت مستحکم ہے۔ ریسکیو ٹیم کے مطابق خراب موسم کی وجہ سے ریسکیو آپریشن میں مشکلات آ رہی ہے ۔ پھنسے ہوئے لوگوں کی تلاش کے لئے زندگی کا پتہ لگانے ‘لائف ڈٹیکشن انسٹرومنٹ’ اورا سنفر ڈاگ (شوان اسکواڈ) کی مدد لی جا رہی ہے ۔
