بیجنگ: چین نے جنوبی بحیرہ چین کے شمال مشرقی حصے سے 100ملین ٹن صلاحیت کے خام پٹرول ذخائر کی دریافت کا اعلان کیا ہے ۔چائنا نیشنل آف شور آئل کارپوریشن کے مطابق ملک کے جنوبی صوبہ گوانگ ڈونگ کے ساحلوں سے 300 کلو میٹر مسافت پر کھُلے سمندر کے ’کائپنگ پٹرول فیلڈ‘ کے علاقے میں نئے پٹرول ذخائر کی دریافت کی گئی ہے ۔اوسطاً 500 میٹر بحری گہرائی میں واقع یہ ذخیرہ 100 ملین ٹن ہلکے خام پٹرول پر مشتمل ہے ۔سی این او او سی کے منتظم اعلیٰ ‘جو شن ہوائی’ نے کہا ہیکہ گہرے سمندر میں تلاش اور ڈرلنگ کا کام ملک کے پٹرول اور گیس کنووں کی تعداد میں اضافہ کر دے گا۔
