بیجنگ : چین نے 13 مصنوعی سیارے مدار میں بھیج دیئے ۔چین نے ایک ہی راکٹ کے ذریعے سے 13 مصنوعی سیارے مدار میں بھیج دیئے ہیں۔چین کی جانب سے یہ کارنامہ صوبہ شانسی کے تائیوان سیٹلائٹ لانچ سنٹر سے انجام دیا گیا۔ ایک ہی راکٹ کے ذریعے 13 مصنوعی سیارے کامیابی کے ساتھ مدار میں بھیجے گئے جن سے مختلف شعبوں میں چین کو بڑی مدد حاصل ہوگی ۔چین نے ارجنٹائن کی کمپنی کے تیار کردہ 10 کمرشل ریموٹ سینسنگ سیارے سمیت3 دوسرے سیٹلائٹ سیارے جمعہ کی صبح مقامی وقت کے مطابق 11:19 بجے ’لانگ مارچ کیرئیر 6‘ کے ذریعے مدار میں داغے ہیں۔واضح رہے کہ مذکوہ لانچ لانگ مارچ راکٹ سیریز کا 351 واں لانچ تھا۔
