ہووئی صوبہ سے تعلق رکھنے والے شہریوں کو بیرون ملک سے واپس لایا گیا
بیجنگ۔یکم فبروری ۔(سیاست ڈاٹ کام) چین میں کوروناوئرس سے مرنے والوں کی تعداد بڑھ کر 259 ہو گئی ہے جبکہ 11،791 اس وائرس کی زد میں ہیں۔چین کے قومی صحت کمیشن نے ہفتہ کو یہ اطلاع دی۔ صحت کمیشن نے کہا‘‘31 جنوری کی آدھی رات تک قومی صحت کمیشن کو 31 صوبوں سے 11،791 افراد میں کوروناوائرس پائے جانے کی اطلاع ملی ہے ، جس میں 1،795 لوگوں کی حالت نازک ہے . اس انفیکشن سے 259 لوگوں کی موت ہو چکی ہے ، جبکہ 243 لوگوں کو اسپتالوں سے چھٹی مل چکی ہے ’’۔اس کے علاوہ 17،988 سے زیادہ لوگوں میں کوروناوائرس ہونے کا شبہ ہے ۔ گزشتہ 24 گھنٹوں کے دوران کوروناوائرس کے 2،100 کے نئے کیس سامنے آئے ہیں۔قابل ذکر ہے کہ کوروناوائرس کا پہلا معاملہ گزشتہ سال دسمبر کے آخر میں چین کے ووہان میں سامنے آیا تھاجو موجودہ وقت میں چین سمیت کئی ممالک میں پھیل چکا ہے ۔اس دوران چین نے کوروناوائرس کے وبائی شکل اختیار کرنے کے بعد بیرون ملک میں پھنسے صوبہ ہووئی کے 199 لوگوں کو چارٹر طیاروں کے ذریعہ بیرون ملک سے واپس بلا لیا۔ژیامن ایئر لائنز کا ایک طیارہ تھائی لینڈ کے دارالحکومت بینکاک اور دوسرا ملیشیا کے کوٹہ کنابالو سے بھان کے ٹیونہہ بین الاقوامی ہوائی اڈے پر بالترتیب رات8:53 بجے اور رات 10:32 بجے پہنچے ۔ یہ مسافروں کے صوابدید پر تھا کہ وہ واپس آنا چاہتے ہیں یا نہیں۔ان مسافروں میں ملیشیا سے سفر کر رہے گاؤ ہوئیلن نام کا مسافر بھی شامل تھا، جس کی ووہان کیلئے 27 جنوری کا پرواز کوروناوایرس کی وجہ منسوخ ہو گئی تھی۔مسٹر گاؤ نے بتایا کہ انہیں گھر لانے والے طیارے میں چڑھنے سے پہلے مسافروں کے درجہ حرارت کی جانچ پڑتال اور انفیکشن کے خطرے کو کم کرنے سیکورٹی احتیاط کیلئے کے قدم اٹھائے گئے تھے ۔ انہوں نے کہامیں اپنے ملک کا شکر گزار ہوں، جو کسی کو اکیلا نہیں چھوڑتا۔
