نئی دہلی:وزیر خارجہ ایس جے شنکر نے کہا ہے کہ ہندوستان کو چین سے الگ کرنے والی لائن آف ایکچوئل کنٹرول پر ہندوستان کا موقف مضبوط رہے گا۔ جے شنکر دھارواڑ میں دانشوروں کے ساتھ ایک اجلاس میں بات کر رہے تھے۔ بی جے پی کی میٹروپولیٹن یونٹ کی طرف سے اتوار کو دھارواڑ میں ایک پروگرام کا انعقاد کیا گیا۔ انہوں نے کہا کہ ہمارا چین کے ساتھ سنگین تنازعہ ہے اور 2020 سے سرحد پر کشیدگی ہے۔ ساتھ ہی انہوں نے کہا کہ چین کے ساتھ ہمارے تعلقات معمول پر نہیں ہیں اور اگر لائن آف ایکچوئل کنٹرول پر بڑی تعداد میں فوجی دستے موجود ہیں تو یہ معمول کے نہیں ہو سکتے۔
