تائی پے : تائیوان نے جزیرے کے اطراف میں چین کے بلند ارتفاع والے غبارہ کی نشاندہی کی ہے۔تائیوان وزارت دفاع نے سوشل میڈیا ایکس سے جاری کردہ بیان میں کہا ہے کہ غبارہ کل رات کے وقت جزیرے کے انتہائی شمالی شہر کیلنگ سے 97 بحری میل کی مسافت اور 20 ہزار فٹ بلندی پر دیکھا گیا ہے۔بیان میں کہا گیا ہے کہ غبارہ آبنائے تائیوان میں فریقین کی طے کردہ فضائی و بحری حدود یعنی ‘وسطی لائن” کو عبور کر کے مشرق کی طرف جا کر نگاہوں سے اوجھل ہو گیا ہے۔تائیوان کے اطراف میں کل شام سے آج صبح تک غبارہ کے علاوہ چین کے 22 فوجی طیاروں اور 7 جنگی بحری جہازوں کی بھی نشاندہی کی گئی ہے۔ 22 طیاروں میں سے 11 نے وسطی لائن کو عبور کیا اور تائیوان کے اعلان کردہ ’’فضائی دفاعی زون‘‘ میں پرواز کی ہے۔ چین تائیوان کو اپنا حصہ قرار دیتا اور کہتا ہے کہ جزیرے کی مرکزی چین کے ساتھ دوبارہ وابستگی کے لئے ضرورت پڑی تو طاقت کا استعمال بھی کیا جائے گا۔
