بیجنگ، 24 جنوری (سیاست ڈاٹ کام) چین میں وباء کی شکل اختیار کر چکے کورونا وائرس کی وجہ صوبہ ہو بئی کے 13 شہروں میں ٹریفک معطل کر دیا گیا ہے ۔ووہان میں جمعرات کو ہی ٹریفک کو معطل کرنے کا اعلان کیا تھا، جبکہ ایژؤ ، ہوانگ گانگ ، شیانتاو، ژجیانگ ، چیانجیانگ ، ہوانگشی، اور شیا نا نگ میں ٹریفک معطل کرنے کا اعلان جمعہ کو کیا گیا ۔واضح رہے کہ چین کے ووہان شہر پر کوروناوائرس کا پہلا معاملہ گزشتہ سال دسمبر مہینے میں سامنے آیا تھا اور اس وقت اس نے وبا ئکی شکل اختیار کر لی ہے ۔ چین میں کوروناوا ئرس سے 25 لوگوں کی موت ہو گئی ہے اور 830 لوگوں میں اس کی علامات پائی گئی ہیں ۔ ساتھ ہی امریکہ، جنوبی کوریا، جاپان، سنگاپور میں بھی اس وائرس کے معاملے سامنے آئے ہیں ۔
