نئی دہلی۔15 مئی(سیاست ڈاٹ کام) ہندوستان کے سابق آف اسپنر ہربھجن سنگھ نے ٹیم کے سابق کوچ گریگ چیپل کے وقت میں ہندوستانی کرکٹ کا سب سے خراب دور قرار دیا ۔ ہربھجن سنگھ نے چیپل کے اس بیان پر اپنی رائے کا اظہار کیا ہے جس میں چیپل نے یہ کہا کہ وہ مہندر سنگھ دھونی کو ہوا میں ہر گیند پر شاٹ کھیلنے کے بجائے زمین پر شاٹ کھیلنے کا مشورہ دیا کرتے تھے ۔ چیپل کی اس بات پر ہربھجن نے طنز کرتے ہوئے چیپل کے وقت میں ہندوستانی کرکٹ ٹیم سب سے خراب دور سے گزری ہے ۔ واقعی چیپل کی کوچنگ کے دوران ٹیم میں زبردست تنازعہ ہوئے تھے ۔ ان میں سب سے بڑا تنازعہ سورو گنگولی کو کپتانی سے ہٹا یا جانا شامل تھا۔چیپل نے اپنے بیان میں دھونی کے بارے میں لکھا کہ مجھے یاد ہے کہ جب میں نے پہلی بار مہندر سنگھ دھونی کو بیٹنگ کرتے دیکھا، تو میں حیران رہ گیا۔ اس وقت وہ ہندوستان کے سب سے زیادہ بہترین کرکٹروں میں سے ایک تھے ۔ دھونی بہت ہی غیر معمولی پوزیشن سے گیند کو ہِٹ کیا کرتے تھے ۔ہربھجن نے چیپل کی بات پر ٹیم کے سابق کوچ پر زبردست تنقید کرتے ہوئے اپنے ٹویٹر کہا کہ چیپل نے دھونی کو اس لیے زمین پر شاٹ کھیلنے کے لئے کہا کیونکہ وہ ہرکھلاڑی کو باونڈری کے پار بھیج رہے تھے ۔ ساتھ ہی ہربھجن نے یہ بھی کہا کہ اس وقت چیپل ایک الگ ہی کھیل، کھیل رہے تھے ۔واضح رہے کہ چیپل سال 2005 تا2007 ہندوستانی ٹیم کے کوچ رہے ۔ اس دوران چیپل کا سچن تندولکر سمیت تقریبا ہر سینئر کھلاڑی سے ٹکراؤ تھا۔