ممبئی، 6 ستمبر (ایجنسیز)۔ بالی ووڈ کی مشہور اور مقبول ترین فرنچائز “ڈان” کی تیسری قسط فلمی دنیا میں زبردست چرچا حاصل کر رہی ہے۔ رنویر سنگھ، جو مرکزی کردار نبھا رہے ہیں، اب مزید خبروں کی زینت اس وقت بنے جب اطلاعات سامنے آئیں کہ فلم بنانے والوں نے بالی ووڈ کے دو بڑے لیجنڈز امیتابھ بچن اور شاہ رخ خان کو بھی فلم کا حصہ بنانے کی پیشکش کی ہے۔ذرائع کے مطابق دونوں سوپر اسٹارز کو اس پیشکش پر سنجیدگی سے غور کرنے کی خبریں ہیں۔ اگر ایسا ہوا تو شائقین پہلی بار ڈان کے تین مختلف ادوار کے ہیروز کو ایک ہی پردے پر دیکھ سکیں گے۔ یاد رہے کہ امیتابھ بچن نے 1978 میں اصل “ڈان” میں شاندار اداکاری کی تھی، جبکہ شاہ رخ خان نے 2006 اور 2011 کی ری میک فلموں میں اپنی چھاپ چھوڑی۔ اب رنویر سنگھ کو اس کردار میں ڈھلتے دیکھنا ناظرین کے لیے نیا تجربہ ہوگا۔اطلاعات کے مطابق فلم میں رنویر سنگھ کے ساتھ کیارا ایڈوانی ہیروئن کے طور پر جلوہ گر ہوں گی، جب کہ وکرانت میسی بھی اہم کردار میں شامل ہیں۔ مزید یہ کہ کریتی سینن بھی بطور مرکزی اداکارہ شامل کی گئی ہیں، جس سے فلم کا تاثر مزید جاندار ہوگا۔ فلمی پنڈتوں نے کہا ہے کہ اگر واقعی یہ تینوں نسلوں کے ڈان ایک ساتھ پردے پر آتے ہیں تو یہ بالی ووڈ کی تاریخ کے سب سے بڑے اور دلکش مناظر میں سے ایک ہوگا۔ شائقین پہلے ہی اس بات کے لیے بے حد پرجوش ہیں کہ میکرز کس طرح تینوں ڈان کو کہانی کے دھارے میں جوڑتے ہیں۔یقیناً، “ڈان 3” بالی ووڈ کی ایک بڑی اور یادگار فلم ثابت ہو سکتی ہے، جو نہ صرف پرانی یادوں کو تازہ کرے گی بلکہ نئی نسل کے لیے بھی ایک بصری جشن بنے گی۔ڈان 3 بالی ووڈ کی بہت زیادہ انتظار کی جانے والی فلموں میں سے ایک ہے کیونکہ شاہ رخ خان کے بعد اس فلم کو کسی اور ہیرو کے ساتھ بنایا جارہاہے توکنگ خان کے مداح اسے اپنے اسٹار کے بغیر دیکھنے میں دلچسپی رکھتے ہیں ۔
