نئی دہلی: ہومیوپیتھی کلینک کا نیٹ ورک چلانے والی کمپنی ڈاکٹر بتراس ہیلتھ کیئر ہندوستان میں پہلی بار دنیا کا پہلا اے آئی پاورڈ ‘اے آئی اسکن پرو’ لیکر آئی ہے ، جو جلد کی بیماریوں کے علاج میں مفید ہے ۔ ڈاکٹر بترا کے گروپ آف کمپنیز کے بانی اور چیئرمین ڈاکٹر مکیش بترا نے آج اس ڈیوائس کے ذریعے ہومیوپیتھی کے علاج کا اعلان کرتے ہوئے کہا کہ جنوبی کوریا سے درآمد کی جانے والی یہ مشین دنیا کی پانچویں نسل کی اے آئی پاورڈ اسکن اینالائزر ہے ۔ یہ جلد کی بیماریوں کے سطح پر ظاہر ہونے سے پہلے جلد کے اندر ہی ان کا پتہ لگا لیتی ہے ۔ یہ جلد کی بیماریوں کے علاج کیلئے مفید ہے ۔ ڈاکٹر بترا نے ہومیوپیتھی کے ساتھ مل کر ایک منفرد علاج تیار کیا ہے جو کہ مکمل، محفوظ اور مضر اثرات سے پاک ہے ۔ ذاتی نوعیت کے علاج کو اے آٓئی تجزیات کی بنیاد پر ڈیزائن کیا گیا ہے ، جیسے کہ مہانسوں کیلئے اے آئی ہومیو کلیئر پگمنٹیشن کے مسائل کیلئے اے آئی ہومیو برائٹ، اینٹ ایجنگ کے لے اے آئی ہومیو یوتھ اور کثیر مقصدی علاج کیلئے اے آئی ہومیو رینیو شامل ہے۔
